Seýlde qurylys alańynda Qazaqstan azamaty qaıtys boldy
ASTANA. KAZINFORM — QR Syrtqy ister mınıstrligi Seýlde Qazaqstan azamaty qaıtys bolǵanyn rastady.
QR SІM baspasóz qyzmetiniń málimetinshe, er azamat qurylys alańyndaǵy oqys oqıǵa saldarynan mert bolǵan.
Koreıa Respýblıkasynyń quzyrly organdary oqıǵanyń mán-jaıyn tergep-tekserýdi bastady.
— Qazaqstan dıplomattary marqumnyń týystarymen baılanysqa shyǵyp, olarǵa konsýldyq jáne quqyqtyq kómek kórsetip jatyr, — dep málimdedi SІM.
Yonhap aqparat agenttiginiń habarlaýynsha, oqys oqıǵa 29 qyrkúıekte bolǵan. 23-qabatta turǵan er azamattyń ústine beton bóligi qulaǵan.
Oqıǵadan keıin Koreıa Respýblıkasynyń Eńbek mınıstrligi qurylys alańyndaǵy jumysty toqtatyp, tekseris bastaǵany týraly habarlanǵan.
Eske sala keteıik, Úndistan portynda Qazaqstan azamaty bar keme ustalǵan bolatyn.
