Seýlde koronavırýstyń órshýinen 42 mektep ýaqytsha jabyldy
SEÝL. Yonhap - QazAqparat – Beısenbi kúni Ońtústik Koreıanyń astanasy Seýldiń shyǵys bóligindegi bes mektepte koronavırýstyń jańa túriniń taralýyn tejeý úshin tótenshe shara retinde sabaqty toqtatty. Bul týraly QazAqparat Yonhap agenttigine silteme jasap habarlaıdy.
Vırýs juqtyrǵandardyń biri Songpada turatyny týraly habarlamadan keıin Songpa okrýginde jáne Gangdong okrýgine jaqyn aýdandarda tórt bastaýysh jáne bir orta mektep jabyldy, dep habarlaıdy Yonhap.
Sonbýk-gý jáne Djýnnang okrýgterindegi, Seýldiń soltústik-shyǵys aýdandaryndaǵy 42 mektep jańa koronavırýsty juqtyrǵan patsıent turǵan jerden bir shaqyrym qashyqtyqta ornalasqan. Sol sebepti atalǵan bilim oshaqtary búginnen bastap jeti kúnge sabaqty toqtatýǵa májbúr boldy.
Eldiń Bilim mınıstrligi saqtyq sharasy retinde ýnıversıtetterge sabaqty tórt apta keıinge shegerý jóninde usynys bildirdi.
Beısenbi kúni Ońtústik Koreıa taǵy da tórt adamnyń vırýs juqtyrǵanyn habarlady. Osylaısha, pnevmonııaǵa shaldyqqandar sany 23-ke jetti.
Qazirgi ýaqytta koronavırýs 27 elde anyqtalǵan.
