Seýlde Qazaqstan men Ońtústik Koreıa arasyndaǵy yntymaqtastyq máseleleri talqylandy

SEÝL. QazAqparat - 2020 jylǵy 11 aqpan - Syrtqy ister mınıstriniń birinshi orynbasary Shahrat Nuryshev bastaǵan qazaqstandyq delegatsııa Qazaqstan Respýblıkasy men Koreıa Respýblıkasynyń syrtqy ister mınıstrlikteri arasyndaǵy saıası konsýltatsııalardyń 10-shy otyrysyna qatysty.

Koreı delegatsııasyn Syrtqy ister mınıstriniń orynbasary Kım Gon basqardy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Otyrys aıasynda ekijaqty saıası, saýda-ekonomıkalyq, mádenı-gýmanıtarlyq yntymaqtastyq, sonyń ishinde ınvestıtsııa men jańa tehnologııalardy tartý, ózara tájirıbe almasý máseleleri talqylandy.

Kezdesý sońynda taraptar ózara yqpaldastyqtyń joǵary deńgeıin rastaı otyryp, aldaǵy ýaqytta da ekijaqty jáne kópjaqty deńgeılerdegi qarym-qatynastardy odan ári damytýǵa kelisti.