Seýlde Helloýın merekesinde qaza bolǵandar sany 120-dan asty
SEÝL. Yonhap – QazAqparat – Ońtústik Koreıa astanasynda Helloýın merekesine arnalǵan keshte 120 adam qaza bolyp, taǵy 100-den astamy jaraqat aldy (osy ýaqyttaǵy málimet), dep habarlaıdy QazAqparat Yonhap agenttigine silteme jasap.
Qaıǵyly jaǵdaı Seýldiń Ithevon aýdanynda boldy.
El prezıdenti ıÝn Sok El birneshe márte shuǵyl jınalys ótkizdi. Ol zardap shekkenderge dereý alǵashqy kómek kórsetýdi tapsyrdy. Sondaı-aq Ithevonǵa jedel medıtsınalyq kómek mamandaryn attandyrýdy, shuǵyl kómek kórsetiletin tósek-oryndar daıyndaýdy júktedi.
Aldyn ala boljam boıynsha, Helloýın merekesinde adamdardyń úlken toby Hamilton oteli mańyndaǵy tar kóshege kirip, birin-biri taptaǵan.
Aıta keteıik, alǵashynda oqıǵa saldarynan 50 adamnyń zardap shekkeni týraly ǵana habarlandy. Keıin 2 adam qaza bolyp, 23-i jaraqat alǵany aıtyldy. Odan ári 59 adam kóz jumǵany jáne 150-den astamy jaraqattanǵany jazyldy.
