Seýlde Arysta zardap shekkenderdi qoldaý aktsııasy ótti
NUR-SULTAN. QazAqparat - 26 maýsymda Qazaqstannyń Ońtústik Koreıadaǵy Elshiliginiń qoldaýymen elimizdiń azamattary Arys qalasynda oryn alǵan qaıǵyly oqıǵanyń saldarynan zardap shekken otandastarymyzdy qoldaý maqsatynda arnaıy flesh-mob uıymdastyrdy. Bul týraly QazAqparat SІM silteme jasap habarlaıdy.
«Ońtústik Koreıadaǵy Qazaqstandyq dıasporanyń ókilderi zardap shekken Qazaqstan azamattaryna qoldaý kórsetip, «Aryspen birgemiz!» «Arys, my s vamı!» «Elime amandyq, jurtyma tynyshtyq!» jazýlary bar plakattar, jalaýlar men úndeýler daıyndady. Sonymen qatar, Qazaqstan Elshiliginiń qyzmetkerlerimen birge Arystaǵy zardap shekken otbasylar úshin erikti túrde aqshalaı qarajat jınaý uıymdastyryldy», - delingen habarlamada.
Atalǵan aktsııa azamattardyń jaǵymdy kóńil-kúıin jáne olardyń tótenshe jaǵdaılar aldyndaǵy uıymshyldyǵyn kórsetti.
