Seýlde 11 tilde aýdarma jasaıtyn ınteraktıvti mashınalar ornatylady

Seýl úkimeti el astanasyna kelýshiler úshin týrıstik aqparat ortalyqtarynda jedel aýdarma qyzmeti bar ınteraktıvti ekrandar ornatady, dep habarlaıdy Kazinform The Korea Herald basylymyna silteme jasap.

Qyzmet túri 20 qarashadan bastap eki týrıstik aqparattyq ortalyqta – Gwanghwamun Tourist Information ortalyǵy men Seoul Tourism Plaza-da qoljetimdi bolady, keıinirek basqa jerlerge de ornatylady.

Aýdarma qyzmetiniń arqasynda Seýlge kelgen týrıster ózderine yńǵaıly tilde sóıleı otyryp, kómek ala alady.

Bul qyzmet jasandy ıntellekt, sóıleýdi mátinge tsıfrlyq túrlendirý tehnologııasyna negizdelgen aýdarma mehanızmin paıdalanady jáne aýdarylǵan mátindi ekranda kórsetedi.
Qyzmet 11 tilde qoljetimdi: orys, aǵylshyn, jeńildetilgen qytaı, japon, taı, vetnam, malaı, ındonezııa, arab, ıspan jáne frantsýz. Bul tilderdi tańdaý - 2019 jyly Ońtústik Koreıaǵa kelgen týrıster sanyna negizdelgen.

«Bul qyzmetti engizý – Seýlge kelgen týrısterdiń yńǵaılylyǵyn qamtamasyz etip, qalany erkin tamashalaýyna til bilmeýshilik kedergi keltirmeıdi dep úmittenemiz, - dedi Seýl úkimetiniń týrızm jáne sport departamentiniń dırektory.