Seýldi qar basyp qaldy

ASTANA. KAZINFORM – Koreıa Respýblıkasynyń astanasynda qarashada rekordtyq qar jaýyp, qalyńdyǵy 16 sm-den asty. Bul týraly sársenbi kúni Koreıanyń meteorologııalyq basqarmasy málimdedi, dep habarlaıdy Sınhýa aqparat agenttigi.

Basqarma málimetinshe, qar seısenbi kúni jergilikti ýaqyt boıynsha saǵat 07:00-de jaýa bastaǵan. 16,5 sm qar jaýdy, bul barlyq baqylaý kezeńinde qarasha aıyndaǵy rekordtyq kórsetkish (meteorologııalyq baqylaý 1907 jyldyń qazan aıynan bastap júrgizildi).

Buǵan deıingi rekord 12,4 sm 1972 jyly 28 qarashada tirkelgen.

Beısenbi kúni tańerteńge deıin el boıynsha jańbyr nemese qar jaýady dep boljanyp otyr.

Kazinform úshin arnaıy Sınhýa seriktes agenttigi usynǵan.

Sársenbi kúni Ońtústik Koreıada qar jaýyp, kem degende úsh adam qaza tapty, keıbiri jaraqat aldy. Sondaı-aq 100-den astam reıs toqtatyldy.