Seýl turǵyndarynyń sany sońǵy 30 jyl ishinde alǵash ret 10 mln-nan azaıdy
SEÝL. YONHAP-QazAqparat – Seýl turǵyndarynyń sany 30 jyl ishinde alǵash ret 10 mıllıon adamnan azaıdy. Bul týraly sársenbi kúni qala úkimeti málimdedi, dep habarlaıdy QazAqparat YONHAP agenttigine silteme jasap.
Astana turǵyndarynyń jalpy sany byltyrǵy jyldyń sońynda 9 911 088 adam bolǵan, onyń 9 668 465-i el azamaty bolsa 242 623-i -sheteldik, dep habarlady jergilikti úkimet Іshki ister jáne Ádilet mınıstrlikteriniń deregine silteme jasap.
1988 jyly Seýl turǵyndarynyń sany 10 mıllıonnan asqan bolatyn, sodan beri alǵash ret bul kórsetkishten tómendep otyr.
Jergilikti úkimettiń habarlaýynsha, Ońtústik Koreıa astanasynda sol jyly 10,29 mıllıon adam turdy, 1992 jyly eń joǵary kórsetkish – 10,97 mıllıon turǵyn tirkeldi.
Byltyr Seýl turǵyndarynyń sany 2019 jylmen salystyrǵanda 99 895 adamǵa nemese 1 paıyzǵa kemidi, onyń ishinde Ońtústik Koreıa turǵyndary 60 642 bolsa, shetel azamattarynyń sany – 39 253 adam.
Seýldiń demografııa úrdisinen qartaıyp bara jatqan qoǵamdy baıqaýǵa bolady.
Byltyr 0-4 jas aralyǵyndaǵy Seýl turǵyndarynyń sany birden 10,26 paıyzǵa azaıyp ketti, al 85-89 jas aralyǵyndaǵy turǵyndar sany kerisinshe 11,42 paıyzǵa artty.
Aıta ketken jón, Seýl turǵyndarynyń ortasha jasy 42,7-den 43,2-ge kóterildi.
