Seýl soty ıÝn Sok Eldy qamaýǵa alý týraly order shyǵardy

ASTANA. KAZINFORM – Ońtústik Koreıa soty 14 jeltoqsanda parlamentte ımpıchment jarııalaý nátıjesinde ókilettigi toqtatylǵan Koreıa Respýblıkasynyń prezıdenti ıÝn Sok Eldy tutqyndaýǵa jáne tintý júrgizýge order berdi. Bul týraly joǵary laýazymdy tulǵalarǵa qatysty Sybaılas jemqorlyqqa qarsy tergeý basqarmasy habarlady, dep jazdy TASS aqparat agenttigi.

- Basqarma 31-i kúni ıÝn Sok Eldy qamaýǵa alý jáne tintý júrgizýge order berilgenin rastaıdy, - dep habarlady vedomstvodan.

Alaıda onda keıingi áreketter týraly sheshim qabyldanbaǵanyn qosty.

- Odan ári keste anyqtalǵan joq, - delingen vedomstvo habarlamasynda.

Yonhap aqparat agenttigi basqarmanyń «orderdi jaqyn arada paıdalanady» dep shamalap otyr. Bul - el tarıhynda qazirgi prezıdentti qamaýǵa alý orderi shyǵarylǵan alǵashqy jaǵdaı. ıÝn Sok Eldyń ókilettigi Konstıtýtsııalyq sot sheshimi shyqqanǵa deıin toqtatyldy. 

30 jeltoqsanda Birikken tergeý toby ıÝn Sok Eldy tutqyndaýǵa order berý úshin Seýldegi sotqa júgindi. Birikken tergeý tobynyń quramyna prezıdenttiń áskerı jaǵdaıdy engizýine qatysty mán-jaıdy zerttep jatqan basqarma, polıtsııa jáne qorǵanys mınıstrliginiń ókilderi bar.