Seýl Soltústik Koreıanyń belgisiz snarıadtar ushyrǵanyn habarlady
ASTANA. KAZINFORM – Soltústik Koreıa 20 qyrkúıekte Japon teńizi baǵytyna birneshe snarıad ushyrdy. Olardyń birin Ońtústik Koreıa áskerıleri qysqa qashyqtyqqa ushatyn ballıstıkalyq zymyran dep baǵalady, dep habarlaıdy TASS.
Ońtústik Koreıa áskerıleriniń málimetinshe, 20 qyrkúıek kúni jergilikti ýaqytpen shamamen saǵat 15:00-de Vonsan aýdanynan Japon teńizi baǵytyna qysqa qashyqtyqqa ushatyn ballıstıkalyq zymyran jiberilgen. Ol shamamen 450 shaqyrym qashyqtyqqa ushqan.
Bastapqyda áskerıler belgisiz snarıadtyń ushyrylǵany týraly habarlaǵan.
Osyǵan baılanysty Ońtústik Koreıa prezıdenti ákimshiliginiń Ulttyq qaýipsizdik basqarmasy shuǵyl keńes ótkizdi.
– Ulttyq qaýipsizdik basqarmasy Koreıa Respýblıkasynyń áreket etý sharalaryn tekserip, zymyran ushyrýdyń el qaýipsizdigine yqpalyn taldap, baǵalady. Sondaı-aq qajetti sharalardyń qalaı qabyldanǵanyn qarastyrdy, – dep habarlady Ońtústik Koreıa prezıdentiniń ákimshiligi.
Seýl Soltústik Koreıanyń ballıstıkalyq zymyran ushyrýy BUU Qaýipsizdik Keńesiniń qararlaryn buzatynyn málimdep, Phenıandy mundaı áreketterdi toqtatýǵa shaqyrdy.
Aıta keteıik, Ońtústik Koreıa Ormýz buǵazyna ásker jibermek.
