Seýl men Phenıan KHDR komandasyn Olımpıadaǵa kirgizý máselesin talqylaıdy

ASTANA. QazAqparat - Ońtústik Koreıa prezıdenti Mýn Chje In úkimetke KHDR-men onyń qurama komandasyn Phenchhandaǵy qysqy Olımpıada oıyndaryna kirgizý múmkindikterin talqylaýdy tapsyryp, Kım Chen Ynnyń osy bastamasyna qoldaý bildirdi, dep habarlaıdy «QazAqparat» HAA Kyodo agenttigine silteme jasap.

Budan tys, Koreıa Respýblıkasynyń bılik ókilderi Ońtústik jáne Soltústik Koreıa arasyndaǵy qarym-qatynastardy jaqsartýdyń asa qajet ekenin, sondaı-aq eki memleket arasyndaǵy dıalogtardy «ótetin ýaqytynan, ornynan jáne mánerinen tys» qaıta jandandyrýǵa qyzý daıyndyq júrgizip otyrǵanyn málimdedi.

Eske sala ketelik, dúısenbi kúni jańajyldyq joldaýynda KHDR memleket basshysy Kım Chen Yn el qurama komandasyn Olımpıadaǵa jiberýge nıetti ekenin aıtyp, Koreıa Respýblıkasymen ózara qarym-qatynastardy jaqsartý qajettigin málimdegen bolatyn.

KHDR Olımpıadaǵa qatysý úshin ótinish beriletin sońǵy merzimnen kesh qaldy. Degenmen qańtardyń ortasyna deıin óz sportshylaryn jiberýge qosymsha múmkindigi bar.