Seýl men Phenıan avtomobıl joldaryn biriktirmek
SEÝL. QazAqparat - 28 maýsym, beısenbi kúni Ońtústik Koreıa men KHDR shekara arqyly ótken avtomobıl joldaryn biriktirý máselesine arnalǵan kelissózderdi bastady. Bul týraly Renhap agenttigi habarlady.
Koreı túbeginde jylymyq kezeńniń ornaýyna oraı júrgizilip jatqan kelissózder keleshekte Phenıannan Seýlge deıin eshqandaı kedergisiz kólikpen jetýge múmkindik beredi.
Kezdesý Phenıan ýaqytymen saǵat 10-da Phanmýndjom shekara beketinde bastaldy.
Taraptar Ońtústik Koreıa jáne KHDR basshylarynyń 27 sáýirdegi sammıtte qol jetkizgen kelisimderi aıasynda transshekaralyq joldardy jańǵyrtý jáne úılestirý joldaryn talqylaıdy.
Atap aıtqanda, 19 kılometrlik avtomobıl jolyn salý máselesi talqylanady. Ol qurylys jumystary aıaqtalǵan soń Seýl men Phenıandy biriktiredi.
Resmı Seýl men Phenıan atalǵan jol ýchaskesiniń qurylysyn 2015 jyly da talqylaǵan bolatyn. Alaıda 2016 jyldyń basynda KHDR tórtinshi ıadro synaǵyn ótkizgennen soń sol josparlar qurdymǵa ketken.
Taraptar ınfraqurylym túbektegi qarym-qatynastardy jaqsartýǵa yqpal etedi dep úmit artyp otyr.
