Seýl mańynda jasalǵan bomba synaǵy qaıǵyly aıaqtaldy
ASTANA. Jeltoqsannyń 3-i. QazAqparat - Beısenbi kúni tańerteń Seýldiń mańyndaǵy Pochhone polıgonynda bolǵan jarylystyń saldarynan bir adam qaza bolyp, eń az degende, bes adam jaralandy.
Ońtústikkoreılik polıtsııa ókilderi osyndaı naqtylanǵan málimetter habarlady.
Jarylys, Qorǵanysty damytý memlekettik agenttiginiń mamandary jańa úlgidegi bombanyń synaǵyn ótkizip jatqan kezde bolǵan. Bombanyń túri ázirge jarııalanbaı otyr. Polıtsııa men áskerıler oqıǵanyń mán-jaıyn tekserýde, dep habarlaıdy «Azattyq» radıosy.
