Seýl koreıaralyq áskerı kelissózderge kelisedi jáne denýklearızatsııa problemasyn talqylaýǵa ázir
ASTANA. 21 qańtar. QazAqparat - Ońtústik Koreıa joǵary deńgeıde koreıaralyq áskerı kelissózder ótkizýge qarsy emes jáne ol kezdesýlerge ázirlik júrgizý maqsatynda jumys babyndaǵy kelissózder ótkizýge kelisedi.
Bul týraly beısenbi kúni Koreıa Respýblıkasynyń úkimeti málim etti, dep habarlaıdy ITAR-TASS agenttigi.
Resmı Seýl sondaı-aq Koreı túbegin denýklearızatsııalaý problemalaryn talqylaý úshin joǵary deńgeıde ekijaqty úkimetaralyq kelissózder ótkizý týraly Soltústik Koreıanyń usynysyn qabyldap otyr, dep habarlady ońtústikkoreıalyq úkimet ókili.
Seýldegiler, Phenıannyń bul bastamalary, AQSh Prezıdenti Barak Obama men Qytaı Tóraǵasy Lı Tszıntaonyń Vashıngtondaǵy sammıtinen keıin, jasalyp otyrǵanyna nazar aýdarýda. B.Obama men Hý Tszıntao, Soltústikti arandatýdy jáne onyń ıadrolyq qarý jasaý baǵdarlamasyn toqtatý maqsatynda, qos Koreıany dıalogty jandandyrýǵa úndegen bolatyn.
