«Seýl-Almaty» ushaǵynda temeki tartqan jolaýshy 132 myń teńge aıyppul tóleıdi
ALMATY. QazAqparat – Kólik polıtseıleri jyl basynan beri áýe jáne temirjol kóliginde 6 myńnan astam quqyq buzý faktisin anyqtady. Onyń ishinde 611 oqıǵa – ruqsat etilmegen jerde temeki tartý, dep habarlaıdy QazAqparat Kóliktegi polıtsııa departamentine silteme jasap.
6 aqpanda Almatydaǵy jelilik polıtsııa bólimine «Air Astana» dıspetcherinen habar kelip tústi. Onyń aıtýynsha, «Seýl – Almaty» baǵytyndaǵy áýe kemesiniń bortynda jolaýshy tártip buzǵan.
Tekserý kezinde kólik polıtseıleri onyń 34 jastaǵy Kıev turǵyny ekenin anyqtady. Ol ushaq bortynda temeki tartqan.
Atalǵan jaǵdaı negizinde QR Ákimshilik quqyq buzý kodeksiniń 441-baby 1,2 bólimi boıynsha ákimshilik hattama toltyrylyp, jolaýshyǵa 50 AEK kóleminde aıyppul salyndy.
