Əset Isekeshev Almaty-Qapshaǵaı kúre joly bóliginiń qurylysyn tekserdi
Tas joldyń qurylysy jaıly mınıstrge "QazAvtoJol" UQ AQ tóraǵasynyń orynbasary Ulan Əlipbaev baıandady.
Onyń aıtýynsha, qazir Almaty oblysynda uzyndyǵy 539 shaqyrym avtomobıl jolynda qaıta qalpyna keltirý jumystary júrgizilýde.
"Keler jyly biz bitiremiz. Joldyń sapasy jaqsy bolady. Qazir bizge barlyq joldardy durys túıistirý kerek. Jolaýshylarǵa da, júk tasymalyna da yńǵaıly bolýy kerek. «Nurly jol» baǵdarlamasynda barlyǵy qarastyrylǵan. Almatydan ótetin kólik logıstıkalyq ortalyǵyn kezeń-kezeńimen bastaý mańyzdy. Infragrafıkany qaradyq. Álemdik bankpen kelisim bar. Almaty-Óskemen tas jolyn salýda Qytaı úkimetimen kelisim bar. «Batys Eýropa - Batys Qytaı» kólik dálizin Álemdik bank qarjylandyryp jatyr», - dedi mınıstr.
Almaty-Qapshaǵaı bóliginde qurylys jumystary úsh bólikte júrgizilip jatyr. Tas joldyń 63 shaqyrymdyq aýmaǵy 6 jolaqty bolyp salynýda. Qalǵan 41 shaqyrym jol 4 jolaqty bolady. Jol tsementbeton tósemimen 1 tehnıkalyq dərejede salynyp jatyr.
Jalpy 2015 jyldyń qorytyndysy boıynsha Almaty-Taldyqorǵan baǵyty boıynsha 94 shaqyrym jol paıdalanýǵa beriledi. Osy baǵytta úzdiksiz qozǵalys ashylady. "Batys Eýropa - Batys Qytaı" avtodəlizi boıynsha bıyl tsementbeton tóselgen 150 shaqyrym jolǵa eki baǵytta qozǵalys ashylady. Qurylys jumystary 2016 jyldyń sońyna josparlanǵan. Qaıta qalpyna keltirý jumystaryna shamamen 2,5 jol qurylys tehnıkasy men 6 myń adam jumyldyrylǵan.
"QazAvtoJol" UQ AQ tóraǵasynyń orynbasary Ulan Əlipbaevtyń aıtýynsha, elimizde aǵymdaǵy jyly 2173 shaqyrym jolda qaıta qalpyna keltirý jumystary júrgizilýde. Jyl sońynda onyń 667 shaqyrymynda jol ashylyp, 578 shaqyrym avtojol paıdalanýǵa beriledi.
Qoldanylǵan materıaldardyń 90 % -y qazaqstandyq ekenin atap ótken jón. Mamannyń aıtýynsha, tsementbetonmen tóselgen joldyń 1 shaqyrymynyń quny 3 mln dollar turady. Qarjylandyrýǵa jeke ınvestorlar tartylǵan. 2017 jyldan bastap jol aqyly bolady.
