Sessııa kezinde emtıhan tapsyrý máselesin jolǵa qoıatyn kez jetti - J.Túımebaev
sp;ASTANA. Jeltoqsannyń 4-i. QazAqparat /Gúlmıra Álıakparova/ - Sessııa ýaqytynda emtıhandar tapsyrýda kezinde jiberilgen qaıshy jaǵdaılar úshin oqý orny meıli memlekettik, ne jekemenshik bolsyn - árbir rektor tikeleı jaýap beretin bolady, dedi QR Bilim jáne ǵylym mınıstri Janseıit Túımebaev vedomstvonyń búgin ótken alqa májilisinde,
dep habarlaıdy QazAqparat.
Alqa májilisinde bilim mınıstri, Elbasy N.Nazarbaev elimizdiń joǵary oqý oryndarynyń aldyna úlken mindetter qoıyp otyrǵandyǵyn tilge tıek ete kele, ókinishke qaraı, sessııa tapsyrý kezinde qaıshy jaǵdaılar oryn alyp jatqanyn jáne bul úderiske qatysty rektorlardyń bile tura shara qoldanbaýyna, sondaı-aq dekandar, kafedra meńgerýshileri, tipti qatardaǵy muǵalimderdiń sessııa kezindegi keıbir qylyqtaryna baılanysty mınıstrlikke aryzdar túsip jatqanyn aıtty.
«Mınıstrlikke kelip túsken málimetter boıynsha, ásirese, syrttaı jáne aqyly bólimniń stýdentteri sessııany túrli joldarmen tapsyrýy, budan ári bizdi qatań sharalar qoldanýǵa májbúrleıdi. Sessııa kezinde emtıhan tapsyrý máselesin jolǵa qoıatyn kez jetti», - dep atap kórsetti J.Túımebaev.
Vedomstvo basshysy, bul máselege qatysty qazir arnaıy komıssııa jumys istep jatqanyn, onyń nátıjesi aldaǵy ýaqyttary jarııalanatynyn jetkizip, joǵary bilim talaptary buzylǵan joǵary mektepterdiń rektorlary, meıli oqý orny memlekettik, ne jekemenshik bolsyn - tikeleı jaýap beretinin qadap aıtty.
