SES-tiń jospardan tys tekserýleriniń 75 paıyzy kásipkerlerdiń ótinishteri negizinde júrgizildi - QR DSM
ASTANA. 21 qazan. QazAqparat - QR DSM Memlekettik sanıtarlyq-epıdemıologııalyq qadaǵalaý komıteti men «Atameken» odaǵy» UEP arasynda jasalǵan memorandýmdy iske asyrý maqsatynda «Halyqtyń sanıtarııalyq-epıdemıologııalyq salaýattylyǵy salasyndaǵy zańnamanyń erekshelikteri. Bıznes júrgizýdiń sharttary» taqyrybynda dóńgelek ústel ótti.
Bul aqparatty QR Densaýlyq saqtaý mınıstrliginiń baspasóz qyzmeti taratyp otyr.
Shara barysynda Memlekettik sanıtarlyq-epıdemıologııalyq qadaǵalaý komıtetiniń tóraǵasy, QR-nyń Bas memlekettik sanıtarlyq dárigeri J.Bekshın dóńgelek ústelge qatysýshylardyń barlyq suraqtaryna tolyq jaýap berdi.
«Jospardan tys tekserýler sanynyń ósýi negizinen «Jeke kásipkerlik týraly» QR Zańyna 2009 jylǵy 17 shildede engizilgen, kásipkerlerdiń ózderiniń bastamasy boıynsha júrgiziletin memlekettik baqylaý organdarynyń tekserýlerin tirkeýdi mindetteıtin ózgerister men tolyqtyrýlarǵa baılanysty ekeni aıtyldy. Quqyqtyq statıstıka jáne arnaıy esepke alý organdarynda tirkeý júrgizý qajet bolǵandyqtan, olardyń ótinishterin qaraý merzimi uzartylýy sebebinen, osy norma kásipkerlik sýbektilerdiń narazylyǵyn týdyrady», - delingen habarlamada.
2011 jyldyń 9 aıdyń qorytyndysy boıynsha elimizdiń sanıtarlyq-epıdemıologııalyq qyzmeti júrgizgen jospardan tys tekserýlerdiń 75 paıyzy kásipkerlerdiń ótinishterine baılanysty júrgizilgen. Odan basqa, jospardan tys tekserýler memlekettik organdardyń ótinishteri jáne turǵyndardyń shaǵymdary boıynsha júrgizilgen.
Keńes barysynda Keden odaǵynyń sanıtarlyq sharalar jónindegi jáne QR halyqtyń sanıtarlyq-epıdemıologııalyq salaýattylyǵy salasyndaǵy zańnamasynyń máseleleri boıynsha túsindirme berildi. Dóńgelek ústelge qatysýshylar turaqty negizde, onyń ishinde óńirlerde de osyǵan uqsas kezdesýler ótkizý qajettigi týraly sheshim qabyldady.
