Serjanttar «Dostastyq jaýyngeri» baıqaýyna daıyndalýda

ASTANA. QazAqparat - QR Qarýly kúshterinde dostastyq armııalary áskerı qyzmetshileriniń VIII halyqaralyq «Dostastyq jaýyngeri» áskerı-kásibı sheberlik baıqaýyna qatysý úshin jalpyáskerı irikteý týry aıaqtaldy.

QR Qorǵanys mınıstrlgi baspasóz qyzmetiniń habarlaýynsha, irikteý «Spassk» oqý-jattyǵý ortalyǵyndaǵy 36352 áskerı bóliminiń bazasynda aıaqtaldy. Praktıkalyq sabaqtarda alańda áskerı qyzmetshiler ózderiniń mashyqtary men kásibı sheberlikterin pash etti. 

Bıylǵy jyly áıel áskerı qyzmetshiler erekshe tabandylyq pen jaqsy daıyndyq kórsetti. Іriktelinip alynǵan úmitkerler bir aı boıy baıqaý baǵdarlamasy boıynsha praktıkalyq daıyndyqtan ótedi. Sheshýshi irikteýden keıin bir ǵana komanda qalady. 

Dál sol komanda «Dostastyq jaýyngeri» baıqaýynda óner kórsetedi. Qazaqstan Respýblıkasynyń Qarýly Kúshterinen serjanttar men sarbazdar (olardyń ishinde 1 áıel) laýazymdarynda kelisimshart boıynsha áskerı qyzmet ótkerip júrgen 4 áskerı qyzmetshiden quralǵan komanda tartylady. Іrikteý boıynsha is-sharalar úsh kezeńde uıymdastyrylady:

1)  óńirlik qolbasshylyqtar, ásker tekteri aýqymynda ótkizilgen baıqaý jeńimpazdary sanynan 12 adamdy (3 komandany) irikteý; 

2) baıqaý baǵdarlamasy boıynsha iriktelinip alynǵan úmitkerlerdiń is júzindegi daıyndyǵy;

3) 4 adam sanynda qazaqstandyq komandanyń sheshýshi iriktelinýi.

Baıqaý 5 kezeńnen turatynyn esterińizge sala keteıik. Atap aıtqanda, «Atlet» áskerı-sporttyq kezeńi, «Kásipqoı» áskerı-kásibı kezeń, oq atý daıarlyǵy boıynsha «Mergen» saıysy, «Kavaler/Hanym» kórkem-ádebı jáne bı shyǵarmashylyq baıqaýy, áskerı tarıhty bilýi boıynsha «Bilimpaz» baıqaýy.

Eske sala ketsek, «Dostastyq jaýyngeri»  VIII  halyqaralyq áskerı-kásibı sheberlik baıqaýy 2015 jyly Qazaqstanda ótkizildi.