Sertıfıkattaý salasynda reseılik uıymdardyń áreketi zańsyz - QR IDM
ASTANA. QazAqparat - QR IDM Tehnıkalyq retteý jáne metrologııa komıteti sertıfıkattaý salasyndaǵy Reseı uıymdarynyń qyzmeti zańsyz ekenin eskertti, dep habarlaıdy «QazAqparat» HAA tilshisi.
QR IDM Tehnıkalyq retteý jáne metrologııa komıtetiniń baspasóz hatshysy Erkem Kenshinbaeva men Reseı Federatsııasynyń akkredıtteý jónindegi federaldy qyzmetiniń resmı aqparattaryna súıensek, ınternet-resýrstarynda jedel jáne arzan baǵadaǵy sertıfıkattar men sáıkestigi týraly deklaratsııalar berý boıynsha jarnamalar ornalastyrý jaǵdaıy jıilep ketken.
Qazaqstan aýmaǵynda túrli ataýlarmen akkredıttelmegen reseılik uıymdardyń ókilderi óz qyzmetterin zańsyz túrde júzege asyryp jatyr, olar: «GOSTSERTGRÝPP» AAQ, «Sertıfıkatsııa-PTS» AAQ, «ETALON-TEST» AAQ, «GOSTEKSPERTSERVIS» AAQ, «TsENTROTEST» AKeU, «TEST-EKSPRESS».
Reseı Federatsııasy men QR IDM TRMK-niń ulttyq akkredıtteý ortalyǵynyń resmı málimetterinshe, bul uıymdardyń sertıfıkattar men Kedendik odaqqa sáıkestigi týraly deklaratsııa tirkelimderin berý jumystarymen aınalysýǵa zańdyq quqyqtary joq.
QR IDM Tehnıkalyq retteý jáne metrologııa komıteti Qazaqstan Respýblıkasynyń ulttyq akkredıtteý ortalyǵy saıtynyń «akkredıtteý sýbektileri tizilimin izdeý» tetigi arqyly sertıfıkattaý qyzmetterin usynýshy uıymnyń akkredıtteý attestatyn tekserýge keńes beredi.
Sáıkestik sertıfıkattary men akkredıtteýsiz sáıkestik deklaratsııalaryn berý boıynsha júzege asyrylǵan zańsyz qyzmetterge qatysty materıaldar QR quqyq qorǵaý organdary men Reseı Federatsııasynyń akkredıtteý jónindegi federaldyq qyzmetine jiberiletin bolady.
