Sertıfıkattardyń sáıkes kelmeýine baılanysty Úndistanǵa 70 tonnaǵa jýyq kúrish qaıtaryldy

AQTAÝ. KAZINFORM - Mańǵystaý oblysynda «Bolashaq» FBB ınspektorlary ımporttalatyn karantınge jatqyzylǵan ónimde fıtosanıtarııalyq talaptardyń buzylǵanyn anyqtady.

Úndistannan Tarazǵa baratyn 66,9 tonna kúrish berilgen fıtosanıtarlyq sertıfıkatqa sáıkes kelmedi.

«Jambyl oblysyndaǵy „Qarasý“ FBB ınspektorlary fıtosanıtarııalyq sertıfıkattyń bolmaýyna baılanysty Qyrǵyzstanǵa 22 tonna jańǵaq qaıtaryp berdi. Osyndaı jaǵdaı Qostanaı oblysyndaǵy „Qaıraq“ FBB-de oryn alyp, Reseıge 22,9 tonna kartop qaıtaryldy. Batys Qazaqstan oblysyndaǵy „Syrym“ FBB-de qajetti qujattary joq bir tonna alma tabyldy», — dep jazdy Aýyl sharýashylyǵy mınıstrliginen.

Astana qalasy AI ınspektorlary «Astana halyqaralyq áýejaıy» FBB-de Reseı Federatsııasynan avıareıspen fıtosanıtarııalyq sertıfıkatsyz kelgen kóshetterdi anyqtady, bul júk ımporttaýshy elge qaıtaryldy.

Reseı Federatsııasynan kelip túsken aǵash materıaldaryna (75,5 m³) qaıtalama baqylaý júrgizý kezinde Kókshetaý QAI jáne Abaı AAI (Qaraǵandy oblysy) ınspektorlary qara qaraǵaıdyń tiri der násilderin tapty. Ónim ıelerine qatysty barlyq faktiler boıynsha QR Ákimshilik quqyq buzýshylyq týraly Kodeksine sáıkes ákimshilik sharalar qabyldandy.

Budan basqa, Oral qalasy AI ınspektorlary mindetti qaıtalama baqylaýǵa maqsary (ımporttaýshy el-Reseı) usynbaǵan úshin ónim ıesine ákimshilik buzýshylyqtar týraly hattamalar jasady.