«Serpin» arqyly tek qana 5 oblystyń aýyl balalary grantqa túse alady

ASTANA. KAZINFORM — Ulttyq testileý ortalyǵy «Serpin» baǵdarlamasy aıasynda grantpen bilim alý jaıynda aqparat jarııalady.  

«Serpin» jobasynyń basty maqsaty — elimizdiń ońtústik óńirleriniń jastaryn kadr tapshylyǵyn kórip otyrǵan aımaqtarda oqytyp, bilikti mamandar daıarlaý.

«Serpin» baǵdarlamasyna myna aımaqtardyń túlekteri qatysa alady: Túrkistan, Qyzylorda, Jambyl, Almaty jáne Jetisý oblystary. 

Eske sala keteıik, baǵdarlama tek aýyl túlekterine arnalǵan.

Granttar mynadaı oblystarda ornalasqan JOO-larǵa bólindi: Soltústik Qazaqstan, Aqmola, Shyǵys Qazaqstan, Abaı, Pavlodar, Ulytaý, Qaraǵandy, Qostanaı oblystary.

Granttar tek pedagogıkalyq, IT jáne tehnıkalyq, aýyl sharýashylyq mamandyqtaryna beriledi.

Bıyl «Serpin» baǵdarlamasyna memleketten 3 903 grant bólinip otyr.

Onyń 2500-den astamy pedagogıkalyq baǵytta, 700-ge jýyǵy ınjenerııa, óńdeý jáne qurylys salasyna, al 300-ge jýyǵy IT-ge, 70-ke jýyq grant aýyl sharýashylyǵy jáne bıoresýrstar baǵytyna bólingen.

Joba boıynsha grantqa túsken túlekter shákirtaqy alady jáne jataqhanamen qamtamasyz etiledi.

«Serpin» baǵdarlamasy túlekteri úshin oqý aıaqtaǵan soń grant óteý merzimi 3 jyldan 2 jylǵa qysqartylyp, óteý orny 11 aımaqqa ulǵaıtyldy.