«Serpinniń» alǵashqy túlekterine dıplom tabystalady
ASTANA. QazAqparat - Astanada EKSPO-2017 kórmesi aıasynda ınjenerler men ǵalymdardyń Dúnıejúzilik kongressi ótedi. Al Fınlıandııa pavılonynda osy eldiń ulttyq kúni merekesi toılanady, dep xabarlaıdy QazAqparat tilshisi.
"Sondaı-aq, 20 maýsym myńdaǵan túlekterdiń taǵdyry sheshiletin kún ekendigin atap ótý kerek. Bul kúni túlekter ulttyq biryńǵaı testileýden ótýdi bastaıdy. Budan bólek, osy kúni Bilim jáne ǵylym mınıstrligi "Serpin" baǵdarlamasyna arnalǵan press-týr uıymdastyrady. Sol kezde Shyǵys Qazaqstan oblysy Rıdder qalasynda alǵashqy túlekterge dıplom tabystalady", - dedi Ortalyq kommýnıkatsııalar qyzmetiniń resmı ókili Oksana Loskýtova búgingi baspasóz máslıxatynda.
21 maýsym kúni densaýlyq saqtaý mınıstrligi osy salanyń kadrlyq resýrstaryn damytýǵa arnalǵan "Densaýlyq barlyǵy úshin" V Halyqaralyq kongresti ótkizedi. Jıynǵa elimizdiń 2 myńnan astam jetekshi mamandary qatysady. Kongress aıasynda joǵary texnologııalyq qyzmetter men medıtsınalyq týrızm boıynsha kórme uıymdastyrylady. Al qorǵanys mınıstrligi ekstremaldy jýrnalıstıka boıynsha semınar ótkizedi.
Aıta keteıik, osy aptada depýtattar qazaq-ózbek shekarasynan ótkizý erejesine túzetýler engizbekshi.
