Serpindik stýdentter Rıdderde jumysqa ornalastyrylady
ÓSKEMEN. QazAqparat - Rıdder agrarlyq-tehnıkalyq kolledjinde «Serpin-2050: jastar - ındýstrııaǵa» memlekettik baǵdarlama boıynsha ShQO-da bilim alǵan stýdentterdiń basym bóligi qalada qalyp, kásiporyndarda jumysqa qalýdy josparlaýda.
Bul týraly Rıdder qalasynyń ákimi Jomart Muratov ShQO-da ótken ÓKQ baspasóz máslıhatynda aıtty, dep habarlady aqparat ortalyǵyna silteme jasap «QazAqparat» HAA tilshisi.
«Kolledjge «Serpin» baǵdarlamasy boıynsha 25 stýdent túsken. Onyń 22-si oqýdy aıaqtaýda. 7-eýi JOO-da bilimderin jalǵastyrmaq, 15-in qalanyń óndiristik alańdaryna jumysqa ornalastyrýdy josparlaýdamyz», - dedi Rıdder ákimi.
Rıdder basshysy stýdentter ata-analarynyń qalaǵa qonys aýdarýlaryn surady. Máslıhatta ákimdik «serpindikterdiń» ata-anasyna jumys usynysy týraly hat jiberilgeni aıtyldy. Baǵdarlamanyń pármendiligi men nátıjeliligin túsingen ata-analary basqa balalaryn da shyǵysqa oqýǵa jibergileri keletinin aıtty.
«Serpin-2050: jastar - ındýstrııaǵa» baǵdarlamasy Qazaqstanda 2014 jyldan bastap iske qosylǵany belgili. Baǵdarlamaǵa sáıkes ońtústik óńirden myńdaǵan ul-qyzdar Batys, Shyǵys, Soltústik Qazaqstanda JOO-larda sapaly bilim ala alady. Bul ońtústikte eńbek resýrstarynyń kóptigine, al joǵaryda atalǵan oblystarda mamandardyń jetispeýine baılanysty.
