Serpe kóterýden Qazaqstan rekordy jańardy
NUR-SULTAN. QazAqparat – Aýyr atlet serpe kóterýden Qazaqstan rekordyn jańartty, dep habarlaıdy QazAqparat Qazaqstannyń aýyr atletıka federatsııasyna silteme jasap.
«102 keli salmaqta Artem Antropov serpe kóterýden Qazaqstan rekordyn ornatty. Ol 216 kelini kóterdi. Buǵan deıin osy tásilden Ilıa Ilın myqty bolatyn. Onyń nátıjesi 208 keli», delingen habarlamada.
Eske sala ketsek, aýyr atletıkadan Qazaqstan birinshiligi ótip jatyr. Erler men áıelder arasynda jekelegen jattyǵýlardan jarystyń jetinshi kúni qorytyndylandy.
102 kelige deıingi salmaqta erler arasynda 1-oryn Qaraǵandy oblysynan kelgen Artem Antropovqa buıyrdy. Onyń jıyntyq nátıjesi — 373 keli (157+216).
2- orynda qyzylordalyq Rahat Bekbolat - 305 keli (135+170)
Úshinshi orynda qaraǵandylyq Alekseı Lıtovchenko - 257 keli (115+142)
