Serikqalı Brekeshev Kazenergy qaýymdastyǵynyń jańa tóraǵasy bolyp saılandy
ASTANA. KAZINFORM - Kazenergy qaýymdastyǵynyń jańa tóraǵasy bolyp munaı-gaz salasy men memlekettik qyzmette kóp jyldyq tájirıbesi bar Serikqalı Brekeshev saılandy, dep habarlaıdy qaýymdastyqtyń baspasóz qyzmeti.
Serikqalı Brekeshev 1972 jyly 14 qazanda Pavlodar qalasynda dúnıege kelgen.
1995 jyly Atyraý polıtehnıkalyq ınstıtýtyn «munaı jáne gaz ken oryndaryn ıgerý» mamandyǵy boıynsha támamdaǵan.
1995-1997 jyldary «Qazaqstan-Reseı saýda úıi» BK bas dırektorynyń orynbasary, ekonomıst bolyp jumys istegen.
1997 jyly Aqtaý qalasy boıynsha Salyq bóliminiń jedel bóliminiń ınspektory qyzmetin atqardy.
1997-1998 jyldary — «Mańǵystaýmunaıgaz» AQ «Munaıgermes» materıaldyq-tehnıkalyq qamtamasyz etý jáne ónimdi ótkizý basqarmasy fılıalynyń qubyrlar jáne metall buıymdary bóliminiń 8-shi razrıadty ınjeneri, kólik, arnaıy tehnıka men qosalqy bólshekter bóliminiń ınjeneri.
1998-2006 jyldary — «Qaraqudyqmunaı» JAQ paıdalaný jónindegi ınjeneri, ken ornynda munaı óndirý sheberi, kásipshilik menedjeri.
2007-2014 jyldary energetıka jáne mıneraldy resýrstar, munaı jáne gaz mınıstrlikterinde basshylyq laýazymdardy atqardy.
2015 jyldan bastap «QazTransGaz» AQ qurylymynda jumys istedi — Tehnıkalyq saıasat departamentiniń dırektory, GTJ basqarý jónindegi basqarýshy dırektor, tehnıkalyq saıasat jónindegi basqarýshy dırektor, óndiristik-tehnıkalyq departamenttiń dırektory, bas dırektordyń tehnıkalyq saıasat jónindegi orynbasary.
2020 – 2023 jyldary – Qazaqstan Respýblıkasynyń Ekologııa, geologııa jáne tabıǵı resýrstar vıtse-mınıstri, mınıstri.
2023 jyldyń aqpan aıynan bastap - «QazMunaıGaz»UK AQ Basqarma tóraǵasynyń orynbasary boldy.
Aıta keteıik, 2025 jyldyń aqpan aıynan beri Kazenergy qaýymdastyǵyn Bolat Aqsholaqov basqarǵan edi.
