Serikbolsyn Sandybaev Ulytaý oblysynyń kásipkerlik basqarmasyna basshy boldy
ULYTAÝ. KAZINFORM — Kásipkerlik jáne ónerkásip basqarmanyń jańa basshysynyń memlekettik qyzmet pen bızneste, sonyń ishinde quqyq salasy men ındýstrııalyq jáne týrıstik jobalardy damytýda tájirıbesi mol.
Serikbolsyn Ǵalıddınuly Sandybaev 1992 jyly dúnıege kelgen.
Ol Qytaı Halyq Respýblıkasyndaǵy Beijing World Youth akademııasynda jáne Abylaı han atyndaǵy Qazaq halyqaralyq qatynastar jáne álem tilderi ýnıversıtetinde «Halyqaralyq quqyq» mamandyǵy boıynsha bilim alǵan.
Eńbek jolyn Almaty qalasyndaǵy «Bank TsentrKredıt» aktsıonerlik qoǵamynda zańger qyzmetinen bastaǵan.
2018 jyldan bastap memlekettik jáne jergilikti atqarýshy organdarda belsendi qyzmet atqarǵan: Talǵar aýdany apparatynyń bas mamany jáne jetekshi mamany, Almaty qalasynyń Halyqty jumyspen qamtý ortalyǵy qyzmet kórsetý sapasyn baqylaý bóliminiń basshysy, sondaı-aq qaladaǵy Kásipkerlik jáne ınvestıtsııalar basqarmasynda negizgi laýazymdardy atqarǵan.
2022–2023 jyldary Sandybaev «Turkistan» ındýstrıaldy aımaqtar basqarýshy kompanııasynyń basqarýshy dırektorynyń orynbasary boldy, odan keıin Túrkistan oblysynyń Mádenıet jáne týrızm basqarmasy janyndaǵy «Open Turkistan» Týrıstik aqparattyq ortalyǵyn basqardy.
2024 jyldan bastap Ulytaý oblysy ákimi apparatynyń kómekshisi qyzmetin atqarǵan, endi óńirdiń kásipkerlik jáne ónerkásip basqarmasyn basqarady.
Osyǵan deıin Almaty oblysy jumyspen qamtýdy úılestirý basqarmasynyń basshysy bolyp Asyl Vaısov taǵaıyndalǵanyn habarlaǵan bolatynbyz.