Serik Jumanǵarın jańa Salyq kodeksiniń basty kemshiligin atady

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın Salyq kodeksi qabyldanǵannan keıin birinshi kezekte qandaı túzetýler engizilýi múmkin ekenin aıtty.

Senattyń jalpy otyrysynan keıin jýrnalıst Salyq kodeksi qabyldanǵannan keıin qanshalyqty turaqty jumys isteıtinin surady.

— Biz salyq kodeksine únemi ózgerister engizip kelemiz. Bul qalypty tájirıbe, — dedi vıtse-premer.

Ol búgin Senat Májiliske keri qaıtarǵan kodekstiń negizgi kemshiligin atady.

— Biz bul Salyq kodeksine salyqty ákimshilendirý baǵytynda birqatar júıelik túzetýlerdi engize almadyq, túsinesiz be? Sondyqtan tsıfrlandyrý boıynsha da túzetýler engizip qalýymyz múmkin. Birinshi kezekte salyqty ákimshilendirý boıynsha túzetýler engizýimiz múmkin. Naqty bir jańa salyq túrin engizýimiz ekitalaı. Óıtkeni jańa kodeks boıynsha salyq qalaı tólenetinin synaıtyn kezeń kerek, — dedi Serik Jumanǵarın.

Aıta keteıik, búgin Senat jańa Salyq kodeksin Májiliske qaıtardy.