Serik Jumanǵarın Salyq reformasyn synap júrgenderdiń artynda kim turǵanyn aıtty

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın Májilis otyrysynan keıin ótken baspasóz máslıhatynda Salyq reformasyn jıi synap júrgenderdiń artynda kim turǵanyn aıtty.

— Reforma áli bastalǵan joq. Salyq kodeksiniń jobasy tolyq maquldanǵannan keıin 2026 jyldyń 1 qańtarynan bastap kúshine enedi. Al onyń bızneske áserin 2026 naýryzdyń naýryzynda ǵana kór bastaımyz. Al qazir aıtylyp júrgen túrli synı paıymdardyń, blogerlerdiń artynda eldegi ahýal, júıe ózgergenine jan-tánimen qarsy adamdar tur. Olarǵa qazirgideı júıede ómir súrý qolaıly — salyq tólemeıdi, shekten tys tabys alady, ol tabysyn Qazaqstan ekonomıkasyna salmaıdy. Túsinesizder me, — dedi ol.

Serik Jumanǵarınniń sózinshe, bul reforma halyqtyń salyq týraly túsinigin ózgertedi.

— Biz bul ahýaldy ózgertemiz. Másele tipti Salyq reformasynda ǵana emes, mentalıtet pen sanan ózgertýde. Shynyn aıtsaq, osy túsinikterdi ózgertýge bel sheship kirisýge daıynbyz. Salyq tóleý kerek, — dedi vıtse-premer.

Eske salsaq, Atameken» ulttyq kásipkerler palatasynyń tóralqa tóraǵasy Raıymbek Batalov qosylǵan qun salyǵyn kóterýden túsetin kiristiń Úkimet kútkendeı kólemde bolmaýy múmkin ekenin aıtqan edi.