Serik Jumanǵarın: Salyq kodeksi boıynsha medıa men áleýmettik jelilerde shyqqan tizim jalǵan
ASTANA. KAZINFORM — Jańa Salyq kodeksin túsindirý boıynsha qorytyndy semınar barysynda Premer-mınıstrdiń orynbasary Serik Jumanǵarın «ońaılatylǵan» rejımdi qoldana almaıtyn qyzmet túrleriniń tizimderi týraly jalpy qol jetimdi aqparatqa túsinikteme berdi. Bul týraly Úkimet málim etti.
Onyń aıtýynsha, medıa jáne áleýmettik jelilerde taratylatyn tizimder resmı emes, óıtkeni sońǵy tizimder boıynsha jumys áli de júrgizilip jatyr. Sonymen qatar bul úderis shaǵyn toppen emes, bıznes-qoǵamdastyqpen tyǵyz qarym-qatynasta ótedi.
— Sońǵy ýaqytta tym kóp aqparat boldy, keıbir tizimder merzimdi basylymdar da jaryq kórdi. Shyndyǵynda, biz eshqandaı tizimdi jarııalamadyq. Qazir olarmen jumys júrgizilip jatyr. Sonymen qatar Ulttyq kásipkerler palatasynyń ókilderi de belsendi túrde qatysyp otyr, — dedi vıtse-premer.
Aıta keteıik, kólik, qoıma jáne poshta qyzmetine ońaılatylǵan salyq rejımin engizý birte-birte almastyrý qaǵıdaty negizinde júzege asyrylady.