Serik Jumanǵarın nelikten shegirtkeni «halal as» dep aıtqanyn túsindirdi

ASTANA. KAZINFORM — Vıtse-premer Serik Jumanǵarın óziniń osyǵan deıin aıtqan «shegirtke — halal as» degen málimdemesine túsinik berdi.

«Bizde áleýmettik ári saıası ómir óte qarqyndy. Sondyqtan keıde kóńil kóterý úshin osyndaı sózderdi aıtyp qalamyn. Biraq shegirtkeni jeý kerek dep eshqashan aıtqan emespin. Áńgime barysynda bul halal ónim ekenin ǵana aıttym. Sondyqtan bul baǵytta qaýesetti toqtatyp, burmalaýdy doǵarǵan jón», — dedi Serik Jumanǵarın Senattyń jalpy otyrysynan keıin tilshiler suraǵyna jaýap bere otyryp.

Bul turǵyda ol jaýapty memlekettik qyzmetker ekenin jáne eshqashan el azamattaryna shegirtke jeýdi usynbaıtynyn málimdedi.

Onyń ústine, elimizde azyq-túlik qaýipsizdigi qamtamasyz etilgen.

Budan buryn habarlanǵandaı, Qazaqstanda shegirtkeniń taralýyna tosqaýyl qoıý baǵytynda drondar paıdalanylady.