Serik Jumanǵarın Nıý-Iork qor bırjasyna bardy
ASTANA. KAZINFORM – Dúnıejúzilik bank pen HVQ-nyń jylsaıynǵy sessııalaryna qatysý sheńberinde vıtse-premer — ulttyq ekonomıka mınıstri Serik Jumanǵarın bastaǵan qazaqstandyq delegatsııa Nıý-Iork qor bırjasyna (New York Stock Exchange, NYSE) bardy. Bul týraly Úkimettiń baspasóz qyzmeti habarlady.
Bırjanyń qyzmeti men negizgi baǵyty týraly NYSE strategııalyq operatsııalar jáne korporatıvtik qatynastar departamentiniń basshysy Ýıll Gýdvın aıtyp berdi.
NYSE ókilderi Qazaqstan Respýblıkasynyń memlekettik baǵaly qaǵazdaryn ornalastyrý múmkindigine, sondaı-aq memlekettiń qatysýymen iri ulttyq kompanııalardyń bırjaǵa shyǵý perspektıvasyna baılanysty barlyq suraqtarǵa egjeı-tegjeıli jaýap berip, saýda-sattyqty uıymdastyrý jáne emıtenttermen ózara árekettesý salasyndaǵy tájirıbesimen bólisti.
Sapar sońynda delegatsııa saýda zalynyń jumysymen jáne bırjanyń jumys isteý tetigimen tanysty.
Nıý-Iork qor bırjasy (NYSE) — álemdegi eń úlken jáne eń kóne saýda alańynyń biri, amerıkandyq jáne jahandyq qor naryǵynyń sımvoly. Nıý-Iorktegi Ýoll-strıtte ornalasqan bırja lıstıng rásiminen ótken kompanııalardyń aktsııalarynyń, oblıgatsııalarynyń jáne basqa da qarjy quraldarynyń aınalymyn júzege asyrady. Búgingi tańda NYSE Intersontinental Exchange (ICE) holdınginiń quramyna kiredi. Ol elektrondyq tehnologııa men dástúrli «jandy» saýda-sattyqty biriktiretin zamanaýı saýda ekojúıesi.
Aıta ketelik bıyl elimizdiń JІÓ $310 mlrd-tan asqan edi.