Serik Jumanǵarın korporatıvtik tabys salyǵynyń mólsherlemesi ósetin salalardy atady

ASTANA. KAZINFORM – Májiliste Salyq kodeksiniń jańa redaktsııasyn tanystyrǵan Premer-mınıstrdiń orynbasary – Ulttyq ekonomıka mınıstri Serik Jumanǵarın korporatıvtik tabys salyǵynyń mólsherlemesi ósetin salalardy atady.

- Biz salyq mólsherlemelerin saralaımyz. Korporatıvtik tabys salyǵynyń bazalyq mólsherlemesi 20% deńgeıinde saqtalady. Biraq jekelegen sektorlar úshin joǵary mólsherleme belgilenedi. Bul bank jáne oıyn sektory. Mólsherleme 25% bolady. Qarjy lızıngi jáne áleýmettik sala úshin korporatıvtik tabys salyǵynyń mólsherlemesin kezeń kezeńmen 10%-ǵa deıin kóbeıtý usynylady, - dedi Ulttyq ekonomıka mınıstri.

Al aýyl sharýashylyǵy taýaryn óndirýshiler úshin mólsherlemeni 3% deńgeıinde qaldyrý usynylyp otyr.

- Biz ınvestorlar úshin, sonyń ishinde geologııalyq barlaý úshin qosymsha yntalandyrýdy qarastyrdyq. Qurylys salý, jabdyqtardy jáne baǵdarlamalyq qamtamasyz etýdi satyp alý, sondaı-aq olardy qaıta qurý jáne jańǵyrtý shyǵyndary boıynsha 100%-dyq shegerimderdi usynamyz, - dedi vıtse-premer.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.