Serik Jumanǵarın QQS-ty kóterý kimderge qatysty bolmaıtynyn naqtylady

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın jańa salyq reformanyń kimderge qatysy joq ekenin túsindirdi.

- Osy bastamalar aıasynda (salyq reformasy) kóptegen sarapshy paıda bolǵanyn kórdik, túrli málimdemeler jasady. Máselen, keshe ǵana óńirlerdiń birinde dúken ıeleri pikirin aıtqan... Biz únemi halyqpen tikeleı jumys isteıtinderdiń barlyǵyna – bólshek saýda nysandaryna, ıaǵnı sonyń ishinde úı janyndaǵy dúkenderge, dúńgirshekterge, meıramhanalar men shashtarazdarǵa bul reforma áser etpeıtinin aıtyp kelemiz. Olar bólshek saýda rejıminde jumys istegen tártipte qyzmetin jalǵastyra beredi. Atap aıtqanda, olar úshin ózgermeıdi, - dedi Serik Jumanǵarın Senattyń jalpy otyrysynan keıin tilshiler suraǵyna jaýap bere otyryp. 

Osy oraıda ol QQS máselesi qaı baǵytty qamtıtynyn aıtty. 

- Bul reforma bólshektenip ketken bıznestiń belgili bir bóligine ǵana qatysty. Otbasyn asyrap, halyqpen jumys istep, bazarda saýda jasaıtyndarǵa bul reformanyń áseri joq, bólshek saýda salyǵy ózgerissiz qalady, - dedi Úkimet basshysynyń orynbasary.

Eske salsaq, jaqynda Serik Jumanǵarın qosymsha qun salyǵy shegin nelikten kóterý qajet ekenin túsindirdi.

Úkimet qosylǵan qun salyǵyn 20 paıyz kóterý degen sheshimge áli naqty kelgen joq.