Serik Jumanǵarın AÓK-tegi sharýashylyqtar boıynsha esepke alý derekterin jańartýdy tapsyrdy
ASTANA. KAZINFORM – Úkimette vıtse-premer Serik Jumanǵarınniń tóraǵalyǵymen ótken keńeste sharýashylyqtar boıynsha esepke alýdyń elektrondy júıesinde derekterdi jańartý jónindegi jumystyń aralyq qorytyndylary qaraldy.
Mal men qus basy boıynsha aqparatty aldyn ala taldaý nátıjesi derekterge raqymshylyq jasaý boıynsha ákimdikter jumysynyń tıimdiliginiń tómen ekenin kórsetti. Aýyl sharýashylyǵy mınıstri Aıdarbek Saparov keıbir óńirlerde derekterdi burmalaý faktileri bar ekenin atap ótti. Jýyrda ǵana veterınarlyq ınspektorlar eki oblystyń jekelegen aýyldaryn aralap, elektrondy júıedegi aqparattyń naqty mal sanynan 30-70% aıyrmashylyǵyn anyqtady.
Keńeste Іri qara maldyń sútti jáne aralas tuqymdarynyń respýblıkalyq palatasynyń atqarýshy dırektory Azamat Saǵynbaev sóz sóıledi. Palatanyń málimetinshe, elimizde 2,2-2,5 mln-ǵa jýyq lıtr sút óndiriledi, al resmı statıstıka boıynsha 2023 jyly sút saýymy 6,3 mln tonnany boldy.
«Sharýashylyqtar boıynsha esepke alý derekterin sapaly túrde ózektendirý qajet. Bul mal sharýashylyǵy men ósimdik sharýashylyǵy boıynsha statıstıkany qalyptastyrýdyń negizgi aqparat kózi. Olarsyz aýyl sharýashylyǵyn tıimdi josparlap, damytý múmkin emes. Aýyl sharýashylyǵy mınıstrligine ár óńirmen jáne aýdan ákimderimen sharýashylyqtar boıynsha esepke alý derekterin durys toltyrý máselesin pysyqtaýdy, al ákimdikterge derekterdi elektrondy esepke alý júıelerinde qysqa merzim ishinde ózektendirýdi tapsyramyn», - dep málimdedi Serik Jumanǵarın.
