Serik Jeńisov ShQO Samar aýdanynyń ákimi bolyp taǵaıyndaldy

ÓSKEMEN. KAZINFORM — Shyǵys Qazaqstan oblysy Samar aýdanynyń ákimi bolyp Serik Jeńisov taǵaıyndaldy. Ol buǵan deıin ShQO ishki saıasat basqarmasynyń basshysy bolǵan.

Serik Jeńisuly 1983 jyly Shyǵys Qazaqstan oblysy Katonqaraǵaı aýdanynda dúnıege kelgen.

2005 jyly S. Amanjolov atyndaǵy Shyǵys Qazaqstan ýnıversıtetin «Memlekettik jáne jergilikti basqarý» mamandyǵy boıynsha, 2006 jyly atalǵan ýnıversıtettiń magıstratýrasyn «Ekonomıka» mamandyǵy boıynsha támamdaǵan.

Eńbek jolyn 2006 jyly Óskemen qalasynyń ishki saıasat bóliminiń qoǵamdyq pikirdi monıtorıngileý jáne taldaý, buqaralyq saıası jumys bóliminiń jetekshi mamany bolyp bastaǵan.

2006-2009 jyldary «Dırektorlar keńesi» zańgerlik tulǵalar uıymynyń ShQO aımaqtyq odaǵynda ekonomıst-sarapshy bolyp jumys istedi.

2009-2011 jyldary Shyǵys Qazaqstan oblysy ishki saıasat basqarmasy jastar saıasaty máseleleri jáne úkimettik emes uıymdarmen jumys jónindegi bóliminiń bas mamany boldy.

2013-2015 jyldary Shyǵys Qazaqstan oblysy jastar saıasaty máseleleri basqarmasy basshysynyń orynbasary laýazymyn atqarǵan.

2015-2018 jyldary — Shyǵys Qazaqstan oblysy ishki saıasat basqarmasy basshysynyń orynbasary, 2018-2019 jyldary — «Shyǵys aqparat» JShS basqarma tóraǵasy, 2019 jyldyń maýsym-jeltoqsan aılary aralyǵynda Óskemen qalasy ákiminiń orynbasary bolǵan.

Osy laýazymǵa taǵaıyndalmas buryn ShQO ishki saıasat basqarmasynyń basshysy bolyp qyzmet etti.