Serik Jeńisov ShQO qoǵamdyq damý basqarmasynyń basshysy bolyp taǵaıyndaldy

Shyǵys Qazaqstan oblystyq qoǵamdyq damý basqarmasynyń basshysy laýazymyna Serik Jeńisov taǵaıyndaldy, dep habarlaıdy Kazinform.

Serik Jeńisuly 1983 jyly 27 qarashada Shyǵys Qazaqstan oblysy Katonqaraǵaı aýdanynda dúnıege kelgen.

2005 jyly S.Amanjolov atyndaǵy Shyǵys Qazaqstan ýnıversıtetin «Memlekettik jáne jergilikti basqarý» mamandyǵy boıynsha, 2006 jyly atalǵan ýnıversıtettiń magıstratýrasyn «Ekonomıka» mamandyǵy boıynsha támamdaǵan.

Eńbek jolyn 2005 jyly Óskemen qalasynyń ishki saıasat bóliminde qoǵamdyq pikirdi monıtorıngteý jáne taldaý, buqaralyq saıası jumys bóliminiń jetekshi mamany bolyp bastady.

2006-2009 jyldary «Dırektorlar keńesi» zańgerlik tulǵalar uıymynyń Shyǵys Qazaqstan oblysynyń aımaqtyq odaǵynda ekonomıst-sarapshy, 2009-2011 jyldary Shyǵys Qazaqstan oblysynyń ishki saıasat basqarmasynda jastar saıasaty máseleleri jáne úkimettik emes uıymdarmen jumys jónindegi bóliminiń bas mamany bolyp eńbek etti.

2012-2013 jyldary Shyǵys Qazaqstan oblysynyń ishki saıasat basqarmasy basshysynyń orynbasary, 2013-2015 jyldary Shyǵys Qazaqstan oblysynyń jastar saıasaty máseleleri basqarmasy basshysynyń orynbasary laýazymyn atqarǵan.

2018-2019 jyldary «Shyǵys aqparat» JShS basqarma tóraǵasy, 2019 jyldyń sáýir-jeltoqsan aılary aralyǵynda Óskemen qalasy ákiminiń orynbasary boldy.

2020-2021 jyldary «Aqparattyq-taldaý ortalyǵy» aktsıonerlik qoǵamynyń basqarýshy dırektory (Astana qalasy), 2021-2022 jyldary - «Saryarqa aqparat» JShS dırektorynyń orynbasary (Qaraǵandy qalasy) bolyp jumys istedi.

Qazirgi laýazymǵa taǵaıyndalmas buryn Óskemen qalasy ákimi apparatynyń basshysy qyzmetin atqarǵan.