Serik Shápkenov iri munaı kompanııalary ókilderimen jıyn ótkizdi
ATYRAÝ. KAZINFORM – Atyraý oblysynyń ákimi Serik Shápkenov sý tasqynyna qarsy jumystardy kúsheıtý úshin iri munaı kompanııalary ókilderiniń qatysýymen jıyn ótkizdi.
Sý tasqynyna qarsy jedel shtab otyrysynyń otyrysyna «AMÓZ» JShS, «Teńizshevroıl» JShS, NCOC N.V, «Embimunaıgaz» AQ, Kaspıı Qubyr Konsortsıýmy, «QazTransOıl» AQ ókilderi men ózge de jaýapty mamandar qatysty.
Oblys ákimi sý tasqynyna qarsy kúresý úshin mynadaı tapsyrmalardy júktedi.
- kompanııalar men merdigerlerdiń arnaıy tehnıkasyn jumyldyrý,
- ár kompanııaǵa belgili bir ýchaske men jumys frontyn bekitý,
- qajet materıaldar, janar-jaǵarmaı, qural-jabdyqtar qoryn qalyptastyrý máseleleri boıynsha qoldaý kórsetýdi tapsyrdy.
Kúsheıtý jumystaryn úılestirýdi Atyraý oblystyq jedel shtaby júzege asyrady.
