Serik Shápkenov atyraýlyqtardy dúrbeleńge salynbaýǵa shaqyrdy

ATYRAÝ. KAZINFORM – Atyraý oblysynyń ákimi Serik Shápkenov turǵyndardy dúrbeleńge salynbaýǵa shaqyrdy. 

Ákimniń aıtýynsha, tótenshe jaǵdaı rejımi sý tasqynyna daıyndyqty kúsheıtý úshin jarııalanǵan.

«Irıkla sý qoımasynan Jaıyq ózenine óte qomaqty kólemde sý jiberilip jatyr. Sý ózen arqyly Atyraý jerine de jetedi. Bul sý tasqyny qaýpin týdyrýy múmkin. Osy máseleni eskerip, barlyq qarsy kúsh-quraldy jumyldyrý úshin tabıǵı sıpattaǵy tótenshe jaǵdaı jarııalaýǵa sheshim qabyldadym. Biraq búgin-erteń tónip turǵan qaýip joq. Sondyqtan dúrbeleń uıymdastyrmaı, bárimiz sý tasqynyna qarsy turýymyz kerek. Barlyq jaǵdaıdy baqylaýymda ustap otyrmyn», - dedi Serik Shápkenov.

Eske sala ketelik, budan buryn Atyraý oblysynda tótenshe jaǵdaı jarııalanǵan edi. 

«Atyraý oblysynyń aýmaǵynda tabıǵı sıpattaǵy tótenshe jaǵdaı jarııalansyn. Oblys ákiminiń jetekshilik etetin orynbasary tabıǵı sıpattaǵy tótenshe jaǵdaıdy joıý basshysy bolyp taǵaıyndalsyn. Oǵan tabıǵı sıpattaǵy tótenshe jaǵdaıdy joıýǵa baǵyttalǵan is-sharalardy júrgizý tapsyrylsyn», - delingen oblys ákiminiń sheshiminde. 

Sondaı-aq Atyraý oblysynyń bilim berý mekemelerinde sabaq oflaın formatta jalǵasatynyn jazǵan bolatynbyz.