Serik Shápkenov Atyraý oblysynyń ákimi qyzmetinen bosatyldy
ASTANA. KAZINFORM – Serik Shápkenov Atyraý oblysynyń ákimi laýazymynan bosatyldy, dep habarlaıdy Aqordanyń baspasóz qyzmeti.
– Memleket basshysynyń Jarlyǵymen Serik Jambyluly Shápkenov Atyraý oblysynyń ákimi laýazymynan bosatyldy, – delingen habarlamada.
Serik Jambyluly Shápkenov 1979 jyly dúnıege kelgen.
2000 jyly M. Ótemisov atyndaǵy Batys Qazaqstan memlekettik ýnıversıtetiniń ekonomıkalyq kıbernetıka fakýltetin ekonomıst-matematık mamandyǵy boıynsha támamdaǵan.
Eńbek jolyn 2000 jyly M. Ótemisov atyndaǵy Batys Qazaqstan memlekettik ýnıversıtetinde oqytýshy bolyp bastady.
2001 jyly Batys Qazaqstan oblystyq qorshaǵan ortany qorǵaý qorynyń jetekshi mamany boldy.
2002–2006 jyldary Batys Qazaqstan oblysynyń Qarjy basqarmasynda jetekshi maman, keıin bas maman qyzmetterin atqardy.
2006 jyly Batys Qazaqstan oblysy Ekonomıka jáne bıýdjettik josparlaý departamentiniń shynaıy sektordy damytý bóliminiń bastyǵy, keıin oblystyq Aýyl sharýashylyǵy departamentiniń ákimshilik bóliminiń bastyǵy boldy.
2007 jyly Batys Qazaqstan oblysy Aýyl sharýashylyǵy departamenti dırektorynyń orynbasary, keıin Ekonomıka jáne bıýdjettik josparlaý departamenti bastyǵynyń orynbasary qyzmetterin atqardy.
2009 jyly Batys Qazaqstan oblysy Ekonomıka jáne bıýdjettik josparlaý basqarmasynyń bastyǵy bolyp taǵaıyndaldy.
2014 jyldan bastap Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory qyzmetin atqardy.
2016 jyly Atyraý qalasynyń ákimi boldy.
2018 jyly Atyraý oblysy ákiminiń orynbasary qyzmetine taǵaıyndaldy.
2020 jyly Eńbek jáne halyqty áleýmettik qorǵaý vıtse-mınıstri qyzmetine kiristi.
2021–2022 jyldary Qazaqstan Respýblıkasynyń Eńbek jáne halyqty áleýmettik qorǵaý mınıstri boldy.
2022 jylǵy 7 sáýirde Memleket basshysynyń Jarlyǵymen Atyraý oblysynyń ákimi bolyp taǵaıyndaldy.
Aıta keteıik, Eńbek jáne halyqty áleýmettik qorǵaý vıtse-mınıstri taǵaıyndaldy.
