Serik Sápıev jańa qyzmetke taǵaıyndaldy
ASTANA. KAZINFORM — Serik Sápıev Ulttyq Sýrdlımpıada komıtetiniń prezıdenti bolyp saılandy.
Bul týraly Sápıev áleýmettik jelidegi paraqshasynda jazdy.
— Qurmetti dostar! Men sizdermen sońǵy jańalyqtarmen bóliskim keledi. Men Ulttyq Sýrdlımpıada komıtetiniń prezıdenti bolyp saılandym. Búgin Prezıdent retinde kezekten tys Konferentsııada Komıtet basshylyǵynyń jańa quramyn tanystyrdym, sondaı-aq aldaǵy josparlardy belgiledim. Týrızm jáne sport mınıstrligine, jáne de búgingi is-sharaǵa qatysqan barlyq ardagerler men sport qaıratkerlerine qoldaý kórsetkeni úshin alǵys bildiremin! Sýrdlımpıadashylar Alǵa! — dep jazdy sportshy.
Buǵan deıin ataqty boksshy, Olımpıada chempıony jáne Vel Barker kýbogynyń ıegeri Serik Sápıev Qaraǵandy oblysynyń dene shynyqtyrý jáne sport basqarmasy basshysynyń mindetterin oryndaýǵa kiriskeni málim boldy.
Eske salsaq, Kazinform agenttigi jańa «Málimet» jobasyn iske qosty.