Serik Egizbaev TMD Parlamentaralyq Assambleıasynyń komıssııa tóraǵasy bolyp saılandy
ASTANA. KAZINFORM — Serik Egizbaev TMD Parlamentaralyq Assambleıasynyń Agrarlyq saıasat, tabıǵı resýrstar jáne ekologııa jónindegi turaqty komıssııasynyń tóraǵasy boldy, dep habarlaıdy Quryltaıdyń baspasóz qyzmeti.
Tavrııa saraıynda TMD Parlamentaralyq Assambleıasynyń Agrarlyq saıasat, tabıǵı resýrstar jáne ekologııa jónindegi turaqty komıssııasynyń otyrysy ótti. Komıssııa tóraǵasy bolyp Quryltaı depýtaty Serik Egizbaev saılandy.
Otyrysta parlamentshiler TMD-ǵa qatysýshy memleketterdiń paıdaly qazbalar qorlary, resýrstary men ken oryndaryn ıgerý jónindegi sarapshylarynyń jáne quzyretti tulǵalarynyń kásibı qyzmetine qatysty usynymdar jobasyn qarady.
Sondaı-aq klımattyń ózgerýine beıimdelý, sý resýrstaryn basqarýdy jetildirý, qaýipti tabıǵı qubylystardy erte eskertý júıelerin damytý jáne qurǵaqshylyq jaǵdaıynda aýyl sharýashylyǵyn júrgizý ádisterin engizý sharalary talqylandy.
Buǵan qosa, parlamentshiler «Taýly aýmaqtardy ornyqty damytý» ekinshi halyqaralyq forýmynyń sheshimderin iske asyrýdy, sondaı-aq TMD keńistiginde azyq-túlik ónimderiniń qaýipsizdigin arttyrý ádisteri men osy saladaǵy yntymaqtastyq máselelerine toqtaldy.
Buǵan deıin Evgenıı Kochetov QR Prezıdenti Ákimshiliginde jańa qyzmetke ıe bolǵanyn jazdyq.
