Serik Demegenov Atyraý oblystyq memlekettik satyp alý jáne kommýnaldyq menshik basqarmasyn basqarady
ATYRAÝ. KAZINFORM – Atyraý oblysy ákiminiń ókimimen memlekettik satyp alý jáne kommýnaldyq menshik basqarmasynyń jańa basshysy taǵaıyndaldy. Bul laýazymdy Serik Demegenov atqarady.
Serik Jumajanuly 1981 jyly Atyraý oblysynyń Maqat aýdanynda dúnıege kelgen. 2003 jyly Batys Qazaqstan ınjenerlik-tehnologııalyq ýnıversıtetiniń Basqarý jáne quqyq ınstıtýtyn quqyqtaný mamandyǵymen bitirgen.
Memlekettik qyzmet salasyndaǵy alǵashqy jumysyn 2004 jyly Mahambet aýdandyq prokýratýrasynda bastaǵan. 2013-2020 jyldary Atyraý oblystyq qarjy basqarmasy basshysynyń orynbasary, 2020-2021 jyldary atalǵan basqarmasynyń basshysy bolyp jumys istegen.
Al 2021-2023 jyldary Atyraý oblystyq qarjy basqarmasy basshysynyń orynbasary, 2023 jyldan osy kezge deıin Atyraý qalalyq qarjy bóliminiń basshysy laýazamyn atqarǵan.
Eske sala ketelik, budan buryn «Atyraý» fýtbol klýby bas bapkeriniń mindetin Qýanysh Qabdolov atqaratynyn habarlanǵan edi.