Serik Borambaev Áskerı-teńiz kúshteriniń bas qolbasshysy laýazymyna taǵaıyndaldy
ASTANA. KAZINFORM — Memleket basshysynyń ókimimen Serik Jaqsyǵalıuly Borambaev Qazaqstan Respýblıkasynyń Qarýly Kúshteri Áskerı-teńiz kúshteriniń bas qolbasshysy laýazymyna taǵaıyndaldy. Bul týraly Aqordanyń baspasóz qyzmeti málim etti.
Serik Jaqsyǵalıuly Kıev joǵarǵy áskerı-teńiz polıtehnıkalyq ýchılışesiniń, QR RF Áskerı ýnıversıtetiniń, QR RF Áskerı ýnıversıteti janyndaǵy adıýnktýrasynyń, QR Ulttyq qorǵanys ýnıversıteti janyndaǵy akademııalyq kýrstardyń túlegi.
Serik Borambaev qyzmet jolyn Kaspıı flotynyń korablder kúzeti dıvızıony saıası bólimniń komsomoldyq jumystar jónindegi bastyǵynyń kómekshisinen bastaǵan. Ár túrli jyldary Atyraý oblystyq áskerı komıssarıatynda Áskerı-teńiz ınstıtýty bastyǵynyń orynbasary, QR QK Áskerı-teńiz basqolbasshysynyń orynbasary qyzmetin atqardy.
Sondaı-aq, búgin Memleket basshysynyń ókimimen Sáken Mansuruly Bekjanov Qazaqstan Respýblıkasynyń Qarýly Kúshteri Áskerı-teńiz kúshteriniń bas qolbasshysy laýazymynan bosatyldy.
