Serikjan Bııash 2 aı úıqamaqta bolady - Astana prokýratýrasy

ASTANA. QazAqparat - Astana qalasynyń Polıtsııa departamenti 2019 jylǵy 10 naýryzda ulttyq alaýyzdyqty qozdyrý kúdigimen Qazaqstan Respýblıkasynyń azamaty Bııash Serikjandy ustady, dep habarlaıdy QazAqparat Astana qalasy prokýratýrasynyń baspasóz qyzmetine silteme jasap.

Buǵan negiz bolǵan Bııash Serikjannyń 2019 jylǵy 8 aqpanda Almaty qalasynda eske alý is-sharasy kezinde ashyq túrde aıtylǵan etnıkalyq qytaılyqtarǵa qarsy «jıhadqa» shaqyrýy.

Bul fakt boıynsha Astana qalasynyń Polıtsııa departamentimen 2019 jylǵy 21 qańtarda jergilikti turǵynnyń aryzy boıynsha Qazaqstan Respýblıkasy Qylmystyq kodeksiniń 174-babanyń 2-bóligi boıynsha sotqa deıingi tergeý óndirisi bastaldy.

Bııash Serikjannyń sózinde ulttyq alaýyzdyqty qozdyrýǵa shaqyrýdyń bolǵany polıtologııalyq saraptamanyń №499 2019 jylǵy 5 naýryzdaǵy qortyndysymen, áleýmettik jeliden alynǵan beınejazbalarmen, kýágerlerdiń jaýaptarymen jáne basqa qujattarmen rastalyp otyr.

Kórsetilgen kúdiktige qatysty barlyq is-áreketter ishki ister organdarymen qylmystyq protsestik zańnama aıasynda júrgizilgen.

Búgin, 2019 jylǵy 11 naýryzda Astana qalasynyń mamandandyrylǵan aýdanaralyq tergeý sotymen Bııash Serikjanǵa qatysty 2 aıǵa «úıqamaq» túrindegi bultartpaý sharasy sanktsııalandy.

Sotqa deıingi óndiris jalǵastyrylýda.