Serikqalı Brekeshev Qazaqstanda AES salý máselesine qatysty pikir bildirdi
NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Qazaqstan aýmaǵynda atom elektr stansasyn salý máselesine qatysty pikir bildirdi, dep habarlaıdy QazAqparat tilshisi.
«AES boıynsha jobalyq-smetalyq qujattama túsken kezde qorshaǵan ortaǵa áserin baǵalaý baǵytyndaǵy ekologııalyq saraptama júrgizip baryp óz pikirimizdi resmı jarııalaımyz. AES salý jobasy qolymyzǵa tıgennen keıin ǵana resmı ustanymymyzdy bildiremiz», - dedi mınıstr brıfıng barysynda .
Osy jıynda Ekologııa mınıstri Óskemendegi zaýyt tóbesinde paıda bolǵan qyzǵylt tútinge qatysty túsinikteme berdi.
«Búgin saǵat 12.00-de Ekologııa departamentine áleýmettik jeli arqyly «TMK» AQ aýmaǵynda yqtımal apat týraly málimet kelip tústi. Jaǵdaıdy anyqtaý úshin Ekologııa departamenti saǵat 12.15-te qural-jabdyqtarmen synama alý úshin sanıtarlyq aımaqqa baryp, aýa quramyndaǵy zııandy zattardyń bar-joǵyn tekserdi. Synama qorytyndysy boıynsha hlordyń mólsheri bekitilgen norma sheginen asqany asqany belgili boldy. Kelip túsken aryz boıynsha jospardan tys tekserý bastaldy. Onyń qorytyndysy qosymsha habarlanady», - dedi Serikqalı Brekeshev.
