Serikqalı Brekeshev kádege jaratý alymyna qatysty túsinik berdi
NUR-SULTAN. QazAqparat – Búgin Úkimet otyrysynda QR Ekologııa, geologııa jáne tabıǵı resýrstar mınıstri Serikqalı Brekeshev kádege jaratý alymyna qatysty túsinik berdi, dep habarlaıdy QazAqparat tilshisi.
«Kádege jaratý alymyn ákimshilendirý jáne tıisti qarajatqa ıelik etý fýnktsııalary memlekettiń 100% paıyzdyq úlesi bar Mınıstrliktiń vedomstvolyq baǵynysty uıymy - «Jasyl damý» aktsıonerlik qoǵamyna berildi. Onyń dırektorlar quramy bekitildi. Aıta ketý kerek, dırektorlar quramyna qoǵam ókilderi kirdi. Sondaı-aq, kún saıyn «Atameken» Ulttyq kásipkerler palatasy alańynda kádege jaratý alymynyń mólsherlemesin qaıta qaraý máselesi boıynsha qoǵamdastyqtyń, bıznestiń jáne múddeli memlekettik organdardyń qatysýymen Jumys tobynyń otyrystary ótkizildi», - dedi S. Brekeshev.
Onyń aıtýynsha, qazirgi tańda kabeldi-ótkizgish ónimderge kádege jaratý alymyn alýdy 2023 jylǵy 1-shi qańtarǵa deıin toqtata turý sheshimi qabyldandy.
«Stavkalardy qaıta qaraý boıynsha jumysty Qazaqstan Respýblıkasy Indýstrııa jáne ınfraqurylymdyq damý mınıstrligimen birlesip osy aıdyń sońyna deıin aıaqtaımyz», - dedi mınıstr.
