Serikbaı Trumov densaýlyq saqtaý basqarmasy basshysynyń isine qatysty pikir bildirdi

AQTAÝ. QazAqparat - Mańǵystaý oblysynyń ákimi Serikbaı Trumov halyqpen onlaın kezdesýinde turǵyndardyń suraǵyna jaýap berdi. Sonyń ishinde densaýlyq saqtaý basqarmasynyń basshysy Jamal Jamanbaevanyń isine qatysty pikir bildirdi.

«Árıne, Jamal Ábdibekqyzy myqty maman. Talaı náresteniń ómirge kelýine sebepshi boldy, myńdaǵan anany ólimnen arashalap alyp qaldy, jumysyna adal, adamgershiligi mol. Dál qazir ol kisi súrindi me, súrinbedi me, naqty aıta almaımyn. Ony quzyrly organdar sheshedi jáne ádil sheshim bolatynyna senemin. Men ol kisini kóp jyldar tanımyn, men de qatty ýaıymdaımyn, tipti, keı kezde uıqy da qashyp ketedi. Ádil sheshim bolatynyna men senemin»,-dedi S.Trumov.

Buǵan deıin QR Sybaılas jemqorlyqqa qarsy is-qımyl agenttigi Mańǵystaý oblystyq Densaýlyq saqtaý basqarmasy basshylarynyń biri ustalǵanyn rastaǵan bolatyn.