Serik Jumanǵarın Ulttyq ekonomıka vıtse-mınıstri bolyp taǵaıyndaldy

ASTANA. QazAqparat - QR Ulttyq ekonomıka mınıstri Tımýr Súleımenov vedomstvo ujymyna jańa vıtse-mınıstr Serik Jumanǵarındi tanystyrdy. Bul jaıynda atalǵan mınıstrlik baspasóz qyzmeti málim etti, dep habarlaıdy QazAqparat. 

Bul taǵaıyndaýǵa deıin Serik Jumanǵarın eki jyldan astam Qazaqstannyń Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý jónindegi komıtetin basqardy.

Vedomstvo basshysy Jumanǵarındi taǵaıyndalýymen quttyqtap, onyń jınaǵan tájirıbesin jańa laýazymdaǵy jumysynda tıimdi qoldanatynyna senim bildirdi.

Jumanǵarın ár jyldarda Ekonomıkalyq damý jáne saýda mınıstrligi Óńirlik saıasat jáne bıýdjetaralyq qatynastar departamentiniń dırektory bolyp jumys istedi, Óńirlik damý komıteti tóraǵasy laýazymyn atqardy, respýblıkanyń Óńirlik damý mınıstriniń orynbasary boldy.

Aıdar Áriphanov Ulttyq ekonomıka vıtse-mınıstri laýazymynan basqa jumysqa aýysýyna baılanysty bosatyldy. Vedomstvo basshysy Úkimet atynan Áriphanovqa jumysy úshin shaǵyn jáne orta kásipkerlikti qoldaý baǵytyndaǵy úlesin joǵary baǵalaı otyryp, alǵys aıtty.