Serik Jumanǵarın Qazaqstandaǵy ımporttyq taýarlardyń tapshylyǵyna qatysty túsinik berdi

ALMATY. QazAqparat - Premer-mınıstrdiń orynbasary - Saýda jáne ıntegratsııa mınıstri Serik Jumanǵarın ımporttyq ónimderdiń tapshylyq máselesi birneshe aıdan soń sheshimin tabatynyn aıtty, dep habarlaıdy QazAqparat tilshisi.

Almatyda BAQ ókilderi kásipkerlermen kezdesýden soń mınıstrden Qazaqstandaǵy ımporttyq medıtsınalyq preparattardyń, jeke gıgıena buıymdary men janýarlarǵa arnalǵan jem-shóptiń tapshylyǵyna qatysty túsinik berýdi surady.

«Álemdik saýda júıesi dıstrıbýtsııaǵa negizdelgen. Kóp elde quqyqty bólýdiń aımaqtyq prıntsıpi basym. ıAǵnı, dıstrıbýtsııa taǵaıyndalady jáne sol dıstrıbıýtor jetkizýmen aınalysady. Shynynda, bizdegi birqatar dıstrıbıýtorlar belgili bir máseleleri bar elderdegi ónim óndirýshilerge táýeldi. Sondyqtan osy ónimderdi jetkizetin kompanııalar logıstıkalyq tizbekterdi qaıta qaraıdy, biraq ol uzaqqa sozylmaıdy», - dedi Serik Jumanǵarın.

Mınıstr elimizde barlyq baǵyt boıynsha jumys isteıtin ımport almastyrý baǵdarlamasy ázirlengenin aıtty. Ol, sondaı-aq, eksportqa baǵdarlanýǵa da baǵyttalǵan.

Spıkerdiń aıtýynsha, mınıstrlik logıstıkada qazir ımporttaýshylarǵa kómek kórsetýde, jetkizilimderdiń balamaly baǵyttary da qarastyrylýda.

Vıtse-Premer suraqtarǵa jaýap bere otyryp, eldegi ımporttyq ónimniń tapshylyq máselesi birneshe aıdan keıin sheshiletinin atap ótti.

Aıta keteıik, Serik Jumanǵarın jumys saparymen Almaty oblysy jáne Almaty qalasynda bolyp, halyqpen jáne kásipkerlermen kezdesýler ótkizdi.